సంఘటించితిని నేనొకనాడు ,
బహుదూరపు బాటసారిని ,
నిరంతర సంచారిని
పాన్థపిపాసిని .
ఆతడనినాడు : " నే కంటిని ఎడారిన ఖండిత మహా పాదద్వయము
వైకల్య శిల్పము , నిలుచున్నది నిర్జీవము
దాపుననే పడిఉన్నది ఖండ ఖండిత శిరము .
వదనంబు వదలదే భ్రుకుటి ముడత
పెదవి మడత
స్వోత్కర్షజనిత క్రూర రాజసపు ఠీవితో
మంద హసిత .
ఆహో! మహాశిల్పి
కనిపెట్టి
నిల్పినాడా పట్టి
అంతరంగ భావతరంగ వీచికలను
నేటికీ నిలిచిన జీవరహిత సూచికలను .
కరముతో ,కళతో స్పృశించె ,
పరిహసించె
భావముల కాణాచి ఆ హృదిని .
సమాధి పేటిక
లిఖియించబడిన పీఠిక
"నా పేరు సర్వం సహా చక్రవర్తి ,
అధికులారా , అహంకారులారా !
మద్విజయాలను చూసి పరితపించండి
నా ఆధిక్యత జపించండి ."
ఔరా!
కాల మహిమ
కాలుని మహిమ
తనకు శూన్యమే మిగిలినది
మహత్తర శిల్పము పగిలినది .
జీర్ణమై ఏకాంతముగా , ఏకాకిగా
సుదూరాలకు విస్తరించిన ఎడారి పక్షిగా
సైకత శిఖరాగాధాల సాక్షిగా .
2 comments:
Amazing, babai. You have captured the spirit of the original poem with such eloquence. You should seriously consider taking up translations to Telugu. For example, I know of one person in IIT Madras who translates Asimov's non-fiction works into Telugu as a hobby. You should take a shot at the fiction works, I am sure there would be an audience!
Great Translation Gopal. If you mentioned that it is re:Ozymandias, it would have made greater impact.
Post a Comment